AlhóndigaBilbaok antolatuta, hóPLAY 3. Nazioarteko Bideo-Joko Independenteen Jaialdia gauzatuko da azaroaren 26tik 2012ko abenduaren 2ra Fun & Serious Game Festival ekitaldiaren barnean.

'Fun & Serious Game Festival'-a 2011. urtean sortu zen urteko aisialdirako bideo-jokorik onenak eta 'Serious game' onenak omentzeko, eta ekoizle, zuzendari, artista eta sortzaileen lana saritzeko asmoz. Lehiaketaren helburua bideo-jokorik onenak saritzea da, bai aisialdiarekin lotutakoak bai 'Bideo-joko serioak' ('Serious games', ingelesez) deitutakoak. Izan ere, bideo-jokoei aplikatutako teknologiak hezkuntza, osasuna, aeronautika edota kultura bezalako arloetan erabiltzen dira, beste askoren artean.

Bi jaialdiak elkartzean Bilboren irudia bideo-jokoen arloan nazioarteko erreferente gisa sustatu nahi da, arlo sortzaile eta independenteari begira. Hauexek dira, batez ere, aurtengo hóPLAYn sustatu nahi diren ezaugarriak; erreferente izatea sormen eta berrikuntza mailatan bideo-joko independentearen sektorean.

hóPLAYk mantendu egiten ditu gaur arte itxura eman dizkioten hiru ardatzak:

• Dibulgatu eta azaldu egiten duen ardatza. Jende aurrean AlhóndigaBilbaoko Atarian azaltzen diren bideo-joko eta kontsolen joera berrien erakusketan oinarritua.
• Ardatz berritzaile eta sortzailea. hóPLAY Nazioarteko Bideo-Joko Independenteen Jaialdian oinarritutako ekitaldiak berriz ere sarituko ditu sektore independenteko bideo-jokorik originalenak eta sortzaileenak.
• Ekintzailetasunaren ardatza. Euskal Bideo-jokoaren Egunean oinarritua, eta aurten BilbaoEkintza Egunaren barne dagoena. Bideo-jokoak finantzazeko ebazpenak aurkeztu, eta tokiko, estatuko, edota nazioarteko enpresen arteko networkinga errazten duen ekitaldia.

Sari-banaketa AlhóndigaBilbaon izango da azaroaren 26tik abenduaren 2ra, erakusketa ere izango da Kulturen Atarian eta baita hitzaldi saioa ere. Laburbilduz, hurrengo egunetan aurreratuko dizkizuegu jende guztiarentzako izango diren jarduerak.

Jaitsi hóPLAYren liburuxka (pdf, 2.186,6 KB)